Լևոն Տեր-Պետրոսյանը գնահատում է Արմեն Աշոտյանի հումորի զգացումը
Հաայստանի առաջին նախագահի խոսնակ Արման Մուսինյանը «Ilur.am»-ի հետ զրույցում անդրադարձել է Հանրապետական կուսակցության փոխնախագահ Արմեն Աշոտյանի հայտարարությանը՝ ՀՀԿ-ի դպրոցում Տեր-Պետրոսյանի դասավանդելու հնարավորության մասին: Մուսինյանը, ըստ աղբյուրի, նշել է, որ նախագահ Տեր-Պետրոսյանը գնահատում է Արմեն Աշոտյանի հումորի զգացումը: Վերջինս հայտարարել էր, որ ՀՀԿ-ի համար պատիվ կլինի, եթե առաջին նախագահը համաձայնի դասավանդել ՀՀԿ-ի դպրոցում, բանախոսություն կարդալ, հանդես գալ իր տեսակետներով: «Ինքնին հասկանալի է, որ առաջին նախագահի այցելությունը ցանկացած ուսումնական հաստատություն պատվաբեր է այդ ուսումնական հաստատության համար առաջինն այն պատճառով, որ, եթե հետևում ենք ամերիկյան, եվրոպական քաղաքական մշակույթին, ապա բազմաթիվ պաշտոնաթող բարձրաստիճան պաշտոնյաներ աշխատանքը թողնելուց հետո զբաղվում են ակադեմիական աշխատանքով, դասավանդում են տարբեր բուհերում, հանդես են գալիս հրապարակային դասախոսություններով, հրապարակումներով, և այլն: Բացի այդ, կա համալսարանական, ակադեմիական ազատություն կոչվածը, որը արժեքներից մեկն է կրթության համակարգի համար, ակադեմիական ազատություն նշանակում է՝ չսահմանափակել կրթության բովանդակությունը, չենթարկել այն տարբեր գաղափարաբանական կաղապարներին, չզբաղվել գրաքննությամբ, ուստի անգամ այնպիսի հայացքներ ունեցող մարդիկ, որոնք կտրականապես կտարբերվեն մեր քաղաքական պլատֆորմից, մեկ է, այստեղ իրավունք ունեն դասավանդելու», - ասել էր Աշոտյանը:
Հետևեք մեզ Viber-ում
