ՌԴ-ում ինչ են ակնկալում Թիլերսոնի այցից

РИА Новости-ն փոխանցում է ,որ  Ռուսաստանի ԱԳ նախարարությունում պետքարտուղարի այցի կապակցությամբ  հայտարարել են  ,որ Մոսկվան արդյունավետ բանակցություններ է ակնկալում ԱՄՆ-ի պետքարտուղար Ռեքս Թիլերսոնի հետ,որը կարևոր է ոչ միայն երկկողմ հարաբերությունների, այլև համաշխարհային ասպարեզում ընդհանուր մթնոլորտի համար: Նշենք,որ պետքարտուղարի այցը նախատեսված է ապրիլի 11-12-ին: Դիվանագիտական գերատեսչությունում նշել են, որ բանակցություններում «առաջին հերթին ցանկալի կլիներ հասկանալ, թե ԱՄՆ-ում ընդհանրապես որքանով են գիտակցում երկկողմ հարաբերությունների կայունացման եւ նորմալացման անհրաժեշտությունը»: Մոսկվան հուսով է, որ Վաշինգտոնը կհամաձայնի սիրիական Խան-Շեյխունում քիմիական զենքի հետ կապված միջադեպի օբյեկտիվ հետաքննությանը: Միջադեպից հետո ԱՄՆ-ը հրթիռային հարվածներ է հասցրել սիրիական բանակի Շայրաթ ավիաբազային: Ռուսաստանի դիվանագիտական գերատեսչությունում այն կարծիքին են, որ ԱՄՆ-ի այդ գործողություններն ագրեսիայի ակտ են, խախտում են միջազգային իրավունքը եւ նպաստում են ահաբեկիչների ուժեղացմանը: