Պուտինը վստահ է
Ռուսաստանի նախագահ Վլադիմիր Պուտինը՝ իտալացի գործընկերոջ՝ Սերջո Մատարելայի հետ բանակցությունների ժամանակ, հայտնել է, որ Սիրիայում սադրանք է նախապատրաստվում՝ կապված քիմիական զենքի հետ։Պուտինը վստահ է, որ եվրոպական մի շարք երկրներ աջակցել են Սիրիայի Շայրաթ օդանավակայանին ամերիկյան հարվածին, որ բարելավեն հարաբերություններն ԱՄՆ նախագահ Դոնալդ Թրամփի հետ: «Մենք տարբեր աղբյուրներից տեղեկություն ունենք, որ նման սադրանքներ, իսկ ես դրանք այլ կերպ անվանել չեմ կարող, նախապատրաստվում են նաեւ Սիրիայի այլ շրջաններում, որտեղ պատրաստվում են կրկին օգտագործել ինչ-որ մի նյութ եւ դրա կիրառման մեջ մեղադրել Սիրիայի պաշտոնական իշխանություններին», -ասել է Պուտինը։
