Ազդել Ասադի վրա, լուծել Սիրիայի հակամարտությունը. G7-­ը դիմում է Պուտինին

G7-­ի երկրների ԱԳ նախարարները հայտարարել են, որ Ռուսաստանը կարող է լուծել սիրիական հակամարտությունը: Այդ մասին հայտնել է Bloomberg գործակալությունը՝ վկայակոչելով Իտալիայի Լուկկա քաղաքում նախարարների բանակցությունների արդյունքների վերաբերյալ ընդունված կոմյունիկեն: G7-­ի ԱԳ նախարարները հորդորում են ՌԴ­-ին՝ ճգնաժամի կարգավորմանն ուղղված ջանքերի շրջանակներում ազդել Սիրիայի նախագահ Բաշար Ասադի վրա: «Ռուսաստանը պետք Է օգտագործի իր ազդեցությունը սիրիական ռեժիմի վրա՝ վերջ դնելու հակամարտությանը՝ սկսած հրադադարի պահպանման եւ հումանիտար կազմակերպությունների ավելի լայն մուտք ապահովելու հարցից»,­հայտարարել են G7­-ի երկրների արտաքին գործերի նախարարները, հաղորդել է «Ինտերֆաքս» գործակալությունը: