Հովհաննես Գաբուզյանը հաղթանակն է տոնել

Իրանի Իսլամական Հանրապետությունում ընթացող «Խազարի Գավաթ»-ի խաղարկության երկրորդ տուրում հաղթանակներ են տոնել Հովհաննես Գաբուզյանը եւ Սարգիս Մկրտչյանը: Հայաստանի շախմատի ֆեդերացիայի մամուլի ծառայությունը տեղեկացնում է, որ երկու տուրերից հետո Հովհաննես Գաբուզյանը վաստակել է 2 միավոր և 7 այլ շախմատիստների հետ միասին գլխավորում է մրցաշարային աղյուսակը: Կարեն Գրիգորյանն այս տուրում իր պարտիան ավարտել է ոչ ոքի արդյունքով, իսկ Հովհաննես Հակոբյանը պարտություն է կրել: Մրցաշարին այս տարի մասնակցում են 67 շախմատիստ, որոնցից 15-ը գրոսմայստերներ են: Գրիգորյանն ու Գաբուզյանը մրցաշարում վարկանիշով համապատասխանաբար 3-րդ եւ 4-րդ հորիզոնականներում են: