«Չեսս Չելլենջ 2016». հայտնի է Լևոն Արոնյանի մրցակիցն առաջին տուրում

Ցյուրիխում կայացել է «Չեսս Չելլենջ 2016 » մրցաշարի վիճակահանությունը, որը կազմակերպիչները անցկացրել են կայծակնային «վիճակահանություն» մրցաշարի տեսքով: Հայաստանի շախմատի ֆեդերացիան տեղեկացնում է, որ յուրաքնաչյուր մասնակից հիմնական մրցաշարում ստացել է այն համարը, որ հորիզոնականը զբաղեցրել է մրցաշարում: Մրցաշարի հաղթող է դարձել Հիկարու Նակամուրան, ով 5 հնարավորից վաստակել է 3,5 միավոր, Վիշվանաթան Անանդը և Ալեքսեյ Շիրովը բաժանել են 2-3-րդ հորիզոնականները, սակայն ավելի բարձր լրացուցիչ ցուցանիշների շնորհիվ Անանդը դարձել է երկրորդը, իսկ Շիրովին բաժին է հասել երրորդ հորիզոնականը: Մրցաշարը հաջող չի ստացվել Լևոն Արոնյանի համար, ով զբաղեցրել է միայն 5-րդ հորիզոնականը: Փետրվարի 14-ին կկայանա մրցաշարի առաջին տուրը, որում Արոնյանը սև խաղաքարերով կմրցի Անանդի դեմ: