Հերմինե Նաղդալյանի որդուն պաշտոն տվեցին

Հրապարակը գրում է.ԱԺ փոխնախագահ Հերմինե Նաղդալյանին հաջողվեց որդու համար մի «յուղոտ» պաշտոն կորզել։ Կառավարության կայքից տեղեկանում ենք, որ հիմք ընդունելով Հայաստանի Հանրապետության կառավարության 2004 թվականի դեկտեմբերի 23-ի N 1935-Ն որոշմամբ հաստատված կանոնադրության 10-11-րդ կետերը՝ վարչապետը Հրանտ Աբաջյանին նշանակել է Չինաստանի Ժողովրդական Հանրապետությունում Հայաստանի Հանրապետության առևտրական կցորդ՝ 3 տարի ժամկետով։ Ի դեպ, Հերմինե Նաղդալյանի որդին ոչ վաղ անցյալում ուսանում էր Չինաստանում, բայց դա չէր խանգարում, որ այն ժամանակ էկոնոմիկայի նախարար Արծվիկ Մինասյանին խորհուրդներ տար։ Այժմ փաստորեն որոշել են նորից անպաշտոն չթողնել։ Նաղդալյանի ամուսինը՝ Դավիթ Բեգլարյանն էլ Կառավարության գործերի կառավարիչն է։