Երևանի ավագանու հերթական ընտրություններն արդեն սկսվել են

«Իրատես»-ը գրում է. «Պարզվում է` մենք, մի ընտրության մեջ խորասուզված, չէինք էլ «հասկանում», որ մեկ այլ ընտրություն է սկսվել։ Մինչ խորհրդարանում կտեղավորվեն քաղաքական ուժերը, իսկ «դրսում» հայտնվածներն էլ ուշքի կգան. Երևանի ավագանու հերթական ընտրություններն արդեն սկսվել են։ Ընտրություններին մասնակցող կուսակցությունների, կուսակցությունների դաշինքների գրանցման համար անհրաժեշտ փաստաթղթերը, Կենտրոնական ընտրական հանձնաժողովի որոշմամբ, պետք է ներկայացվեն 2017 թ, մարտի 30-ից մինչև ապրիլի 9-ի ժամը 18:00-ն։ Իսկ կուսակցությունների, կուսակցությունների դաշինքների ցուցակների գրանցումը կիրականացվի 2017 թ. ապրիլի 9-14-ին։ Նախընտրական քարոզչությունը կմեկնարկի 2017 թ. ապրիլի 21-ին և կշարունակվի մինչև մայիսի 12-ը ներառյալ»: Մանրամասները՝ թերթի այսօրվա համարում։