Թուրքիան Իրաքի տարածք զորք է մտցրել առանց թույլտվության
Նախորդ տարի Թուրքիան Իրաքի տարածք է մտցրել ռազմական միավորներ` չունենալով դրա թույլտվությունն Իրաքի իշխանությունների կողմից. նման գործողություններն աընդունելի են:
TASS-ի փոխանցմամբ՝ անվտանգության հարցերով մյունխենյան համաժողովում այդ մասին հայտարարել է Իրաքի վարչապետ Հեյդար ալ-Աբադին:
«Մենք չունենք արտերկրյա զորք, ռազմական միավորներ. չկան իրանցիներ, սաուդցիներ, հորդանանցիներ, բրիտանացիներ կամ ամերիկացիներ: Այնտեղ կան զինծառայողներ, ովքեր պատրաստ են մեզ մոտ գործել որպես հրահանգիչ: Բացառությամբ Թուրքիայի: Նա ուղարկեց ռազմական միավորներ` առանց իրաքյան կառավարության համաձայնության: Մենք գտնում ենք, որ դա անընդունելի է»,- ասել է Աբադին: «Մենք հարևաններ ենք, եթե դուք ցանկանում եք օգնել Իրաքին , ապա մենք կորոշենք, թե ինչպես դուք կօգնեք մեզ»,- ավելացրել է Իրաքի վարչապետը: Նախորդ տարվա դեկտեմբերի վերջին հայտնի դարձավ, որ պաշտոնական Անկարան զորք է մտցրել Իրաք: Խոսքը գնում էր 150 զինծառայողների և երկու տասնյակ տանկերի մասին: Թուրքիան հայտարարել էր, որ զորք մտցնելու համար իրեն խնդրել է պաշտոնական Բաղդադը` ահաբեկիչների դեմ պայքարում օգնելու համար:
Հետևեք մեզ Viber-ում
