Դիարբեքիրում փախստական է դարձել մոտ 50.000 մարդ

RIA Novosti լրատվական գործակալության փոխանցմամբ՝ Թուրքիայում «քրդերի մայրաքաղաք» Դիարբեքիրից անվտանգության ուժերի ու քուրդ ակտիվիստների բախումների հետևանքով հարկադրված է եղել հեռանալ ավելի քան 50.000 բնակիչ։ Այդ մասին հայտնել է Դիարբեքիրի քաղաքապետ Ֆիրաթ Անլին. «Այս իրադարձություններից առաջ Սուրում ապրում էր մոտ 70.000 մարդ։ Այժմ Սուրի մոտ 50.000 բնակիչ լքել է իր շրջանն ու ապրում է ողջ քաղաքում։ Նրանք հարկադրված են ապրել իրենց ծանոթների ու ազգականների մոտ, մեկ բնակարանում մնալով մի քանի ընտանիքով։ Ոչ ոք չգիտի, թե երբ կավարտվեն բախումները և որտեղ կապրեն նրանք»։