Առաքել Մովսիսյանը 10-ը միլիոն դրամով հողամաս է գնել

ԱԺ ՀՀԿ խմբակցության պատգամավոր, 2017 թվականի խորհրդարանական ընտրություններում ռեյտինգային ընտրակարգով Արմավիրի մարզում առաջադրված Առաքել Մովսիսյանը (Շմայս) 2016 թվականի վերջում 10 միլիոն դրամով հողամաս է գնել։ Այս մասին տեղեկացանք պատգամավորի հայտարարագրից։ Պատգամավորի ձեռք բերած եւ օտարած շարժական եւ անշարժ գույքի, ինչպես նաեւ փոխառությունների մասին այլ տվյալներ չկան։ Դրամական միջոցներ բաժինը թերի է լրացված․ այստեղ որեւէ թիվ չկա։ ՀՀԿ-ական պատգամավորի տարեկան եկամուտները 2016-ին կազմել են շուրջ 6 միլիոն դրամ։ Ստացվում է՝ մի հողամաս գնելու համար պատգամավորը ծախսել է ավելի քան մեկ տարվա իր դրամական եկամուտը: Առաքել Մովսիսյանի կնոջ հայտարարագրում առկա են միայն տարեկան եկամուտները՝ 1 միլիոն 344000 դրամ։ Սեդա Ղուկասյան