Սամվել Բաբայանի ձերբակալությունից քաղաքական դիվիդենտներ են փորձում շահել. Խոսրով Հարությունյան

ԱԺ ՀՀԿ խմբակցության պատգամավոր Խոսրով Հարությունյանը լրագրողների հետ զրույցում ասաց,որ «Օհանյան-Րաֆֆի-Օսկանյան» դաշինքը Արցախի պաշտպանության բանակի նախկին հրամանատար Սամվել Բաբայանի ձերբակալությունից քաղաքական դիվիդենտներ է փորձում շահել: «Ընտրություններից հետո կարող են հետընտրական զարգացումներ լինել, սակայն դրանք պայմանավորված կլինեն ոչ թե ընտրակեղծիքներով, ինչի հնարավորությունն Ընտրական նոր օրենսգիրքը բացառում է, այլ նրանով, որ ընդդիմությունը կփորձի իր ձախողումը ծածկել ընտրակեղծիքների ներքո:Մեր ընդդիմությունը, ցավոք, երբեմն չի ընդունում, որ կարող է իր պարտությունը պայմանավորված լինել իր քաղաքական տկարությամբ և նվազ կարողություններով»,-հավելեց Խոսրով Հարությունյանը: Սոնա Դավթյան