Սիրիայում ավիահարվածի հետևանքով 33 մարդ է զոհվել
Ինչպես փոխանցում է DW.com-ը` մեջբերելով Մարդու իրավունքների սիրիական դիտորդական կենտրոնի տվյալները, Սիրիայի հյուսիսում ավիահարված է հասցվել փախստականների ճամբարի ուղղությամբ, ինչի հետևանքով առնվազն 33 մարդ է զոհվել, այդ թվում կանայք ու երեխաներ: Ամենայն հավանականությամբ, ավիահարվածը հասցվել է ԱՄՆ-ի ղեկավարած կոալիցիոն ուժերի կողմից: Ռմբակոծության է ենթարկվել դպրոցի շենքը, որի տարածքում տեղակայված է եղել տեղահանված անձանց և փախստականների ճամբարը: Այնտեղ մոտ 40 ընտանիք է բնակվելիս եղել: Ողբերգական միջադեպը տեղի է ունեցել նախօրեին` Ռաքքա նահանգի` «Իսլամական պետություն» ահաբեկչական խմբավորման վերահսկողության տակ գտնվող Ալ-Մանսուր քաղաքում իրականացված ավիահարձակման ժամանակ:
Հետևեք մեզ Viber-ում
