ԴԱԻՇ-ի պարագլուխները`պատժամիջոցների ցուցակում

ԱՄՆ ֆինանսների նախարարությունը պատժամիջոցային ցուցակում է ներառել ԴԱԻՇ ահաբեկչական խմբավորման 3 պարագլխի, ովքեր զբաղվում են ֆինանսավորման և հավաքագրման հարցերով՝ հայտնում է The New York Times-ը։ Պատժամիջոցների տակ են հայտնվել Ֆայսալ Ալ-Զահրանին՝ Սիրիայում ԴԱԻՇ-ի նավթային արդյունաբերության ղեկավարը, Հուսեյն Ջուայթհանին, որը Գազայում կազմակերպել է ահաբեկչական ընդհատակ, և Թուրքի Ալ-Բինալին, որն զբաղվում է գրոհայինների հավաքագրմամբ ու կրոնական քարոզչությամբ։ Պատժամիջոցները նախատեսում են ահաբեկիչների մասնակցությամբ ֆինանսական գործարքների արգելք, ինչպես նաև նրանց ակտիվների ու հաշիվների սառեցում։