Թայվանում երկրաշարժի զոհերի թիվը հասել է 93-ի

Փետրվարի 6-ին Թայվանի հարավային հատվածում տեղի ունեցած հզոր երկրաշարժի զոհերի թիվը կրկին ավելացել է` հասնելով 93-ի, հայտնում է vz.ru-ն: Սակայն 6.4 մագնիտուդ ուժգնությամբ երկրաշարժի հետևանքով փլուզված 17- հարկանի շենքի տակ շարունակում է մնալ մոտ 100 մարդ։ Թեև փրկարարները շարունակում են որոնողական աշխատանքները, այնուհանդերձ՝ նրանք կարծում են, որ փլատակների տակից ողջ մարդ գտնելու հավանականությունը չնչին է։ Հավելենք, որ փլուզված բնակելի շենքի կառուցապատումն իրականացրած ընկերության մի շարք աշխատակիցներ ձերբակալվել են: Նրանք կասկածվում են անորակ շինանյութ օգտագործելու ու կառուցման աշխատանքներն անվտանգության սահմանված չափորոշիչներին ոչ համապատասխան իրականացնելու համար: