Պարային եվրոպական մրցաշարում հայկական օրհներգի տակ ադրբեջանցիները լքում են դահլիճը/տեսանյութ/

Եվրոպայի պարերի մրցաշարում Հայաստանի հավաքականի ղեկավարներից Գևորգ Քեշիշյան ֆեյսբուքյան իր էջում գրառում է կատարել, որի միջոցով տեղեկացրել է, որ տվյալ մրցաշարում մեր երկիրը մրցույթի բացարձակ չեմպիոն է հռչակվել: Ստորև ներկայացնում ենք Գևորգի գրառումն ամբողջությամբ. «Մարտի 17-ին Մոսկվայում կայացած Եվրոպայի պարերի մրցաշարում Հայաստանի «Gold Stars» և «Aratta» պարային համույթները գրավել են առաջին տեղը՝ այսպիսով մեր երկիրը մրցույթի բացարձակ չեմպիոն հռչակելով: Պաշտոնական պարգևատրման արարողության ժամանակ, սակայն, երբ հնչեց ՀՀ պետական օրհներգը, Ադրբեջանի թիմը, որն առաջնությունում 2-րդ տեղն էր գրավել, լքեց պատվո պատվանդանը»: Նշենք, որ այս ամենը հստակ երևում է տեսանյութում, որը Գևորգ Քեշիշյանը մակագրել է հետևյալ կերպ. «Дважды стали чемпионами, азербайджанцы покинули зал во время нашего гимна».