Ըստ Աղվան Վարդանյանի՝ իրեն համակրում են հայ կանանց 80.2 տոկոսը.

«Առավոտ»-ը ՀՅԴ ԳՄ ներկայացուցիչ Աղվան Վարդանյանին հարցրել է՝ իմացանք, որ հայ կանանց 80 տոկոսը համակրում է վարչապետ Կարեն Կարապետյանին, բա Ձե՞զ կանանց քանի տոկոսն է համակրում։ Նա պատասխանել է. «80.2»։ ՀՅԴ պատգամավոր Միքայել Մանուկյանն ասել էր, որ քաղաքական ուժերը փողի արշավ են սկսում։ Թերթն Աղվան Վարդանյանից պարզաբանում է խնդրել՝ ո՞ւմ նկատի ուներ, վերջինս, ի պատասխան, ասել է. «Ասել եմ, որ, բնականաբար, խայտառակ դատապարտելի արարք է, ովքեր մասնակից են դրան, պետք է բացահայտվեն ու պատժվեն օրենքի ամբողջ խստությամբ։ Չի կարելի այս նախընտրական շրջանակը վերածել այս տեսակ ռազբորկաների»։