Առեղծվածային պայթյուն Վանաձորի բնակելի շենքերից մեկում. ՖՈՏՈՌԵՊՈՐՏԱԺ

Քիչ առաջ պայթյուն է տեղի ունեցել Լոռու մարզում: Ինչպես հայտնում է ֆոտոլրագրող Գագիկ Շամշյանը, դեռևս անհայտ պայմաններում Վանաձոր քաղաքի Տիգրան Մեծ 77 շենքի 1-ին հարկում՝ շենքի մուտքերից մեկում, բնակիչներն ուժեղ պայթյունի ձայն են լսել, ինչից հետո հայտնաբերվել են ապակե ցուցափեղկերը կոտրված, էլեկտրահաշվիչները վնասված: Այս պահին դեպքի վայր են ժամանում ոստիկանության Լոռու մարզային վարչության օպերատիվ խումբը՝ մարզի ոստիկանապետ, ոստիկանության գնդապետ Արամ Ղազարյանի գլխավորությամբ: Ժամանում են նաև Արտակարգ իրավիճակների նախարարության փրկարար ծառայության Լոռու մարզային փրկարարական վարչության օպերատիվ խումբը: Դեպքի մասին տեղեկությունը փոխանցվել է Հայաստանի քննչական կոմիտեի Լոռու մարզային քննչական վարչություն, որտեղից ժամանում է քննչական խումբը՝ մարզային քննչական վարչության պետ Թաթուլ Շուշանյանի գլխավորությամբ: Թե ինչն է եղել պայթյունի պատճառը՝ այս պահին պարզվում է: Ոստիկանությունը պարզում է նաև, թե պայթյունի հետևանքով զոհեր և վիրավորներ կան, թե ոչ: Մանրամասները՝ քիչ ուշ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Սմբատ Պետրոսյանի