Թուրքիան երբեք չի կարողանա մտնել Եվրամիություն.Ֆիյոն
ТАСС-ը փոխանցում է,որ «Հանրապետականներ» կուսակցությունից Ֆրանսիայի նախագահի թեկնածու Ֆրանսուա Ֆիյոնը՝ ելույթ ունենալով Europe 1 ռադիոկայանի եթերում հայտնել է,որ ԵՄ-ն Թուրքիայի անդամակցության շուրջը բանակցություններն անհեռանկար են, և եվրոպացիները վաղուց պետք է դա հստակ բացատրեն թուրքական կողմին՝ սկսելով համագործակցության նոր ձևաչափերի որոնումները: «Ֆրանսիայի կառավարությունը, և այս քննադատությունը կիրառելի է նաև Եվրոպայի մյուս կառավարությունների նկատմամբ, պետք է այսուհետև թուրքերին պարզորոշ հայտարարի, որ նրանք չեն կարող մտնել Եվրամիության կազմ: Անհրաժեշտ է նրանց հետ քննարկել հարաբերությունների այլ ձևեր, սակայն այն, թե մենք ինչպես ենք թույլ տալիս զարգանալ ԵՄ-ին Թուրքիայի անդամակցման շուրջն այդ բանակցությունները, որոնք ձգձգվում են ահա արդեն 30 տարի, իմ կարծիքով, այն լարվածության պատճառներից ևս մեկն է, որն այժմ առկա է Թուրքիայի հետ հարաբերություններում», - ասել է նա:
Հետևեք մեզ Viber-ում
