Մալայզիայի իշխանությունները երեք շաբաթ են տվել Կիմ Չեն Նամի ընտանիքին

Տասս-ի հաղորդմամբ՝ Մալայզիայի իշխանությունները հայտնել են, որ երեք շաբաթ են տալիս սպանված Կիմ Չեն Նամի ընտանիքին նրա մարմինը Քուալա Լումպուրի դիարանից վերցնելու համար: «Մենք գիտենք, որ նա ունի կին, երեխաներ եւ այժմ, երբ մարմինը նույնականացված է, հույս ունենք ստանալ Կիմ Չեն Նամի ընտանիքի շուտափույթ պատասխանը»,-­ասել է  երկրի առողջապահության նախարար Սուբրամանիամ Սաթհասիվամը: Ինչպես ասել է՝ իշխանությունները պատրաստ են սպասել «երկու­ երեք շաբաթ»: Եթե այդ ընթացքում պաշտոնական դիմում չստացվի, ապա «վարչապետի գրասենյակի, ներքին գործերի, արտաքին գործերի, ինչպես նաեւ առողջապահության նախարարությունների ներկայացուցիչները համատեղ որոշում կընդունեն, թե ինչ հետագա քայլեր են ձեռնարկելու»: