Ուշադրություն՝ ձեզ լսում են (տեսանյութ)

Հետազոտության համաձայն 2014 թվականին ակտիվ հեռախոսների թիվը արդեն իսկ գերազանցում էր մարդկության թվին: Եվ ՛՛Վիքիլիքս՝՝-ի հրապարակած ԿՀՎ-ի վերջին փաստաթղթերը վկայում են այն մասին, որ ցանկացած շարժական սարքից հնարավոր է տեղեկություն ստանալ: Այժմ տեխնոլոգիական միջոցները մեր ձեռքերից մուտք են գործում բնակարաններ և անվտանգության փորձագետները հավաստիացնում են, որ շատ դեպքերում բոլոր խոսակցությունները լսվում են: Հարավային Կալիֆոռնիայի համալսարանից Քլիֆֆորդ Նյումանը ասում է,- «Մեր հեռախոսներում, հեռուստացույցներում, ավտոմեքենաներում և Ամազոնի Էքո սարքերում տեղադրված են սենսորներ: Հաքերները փորձում են հասնել այս սենսորներին»: Այլ կերպ ասած, հաքերները օգտագործում են մեր իսկ տեխնոլոգիական միջոցները մեզ համար հարմարավետ դարձնող ծրագրերը՝ մեր դեմ: Քլիֆֆորդ Նյումանը ասում է,- «Տեխնոլոգիական շատ միջոցների ձայնագրելու հատկությունը մեծ պահանջարկ ունի սպառողի կողմից, սակայն անհրաժեշտ է գիտակցել, որ տրամադրված տեղեկությունը կարող է այլ նպատակներով օգտագործվել»: Վիքիլիքսի հրապարակած տեղեկությունը վնասում է, ոչ միայն այն պատճառով, որ այն բացահայտել է ԱՄՆ-ի հետախուզության որոշ նրբություններ այլ նաև այն պատճառով, որ այդ նրբությունները կարող են հայտնվել սխալ ձեռքերում: Սակայն ինչպե՞ս կարող են տեխնոլոգիական միջոցների սիրահարները ապահով մնալ: Անվտանգության փորձագետների խոսքերով՝ նրանք չեն կարող: