Հալեպում մարտերի պատճառով մոտ 50.000 սիրիացի փախստական է դարձել.ԿԽ

Deutsche Welle-ն  գրում է ,որ  Կարմիր խաչի միջազգային կոմիտեի գնահատականով` Հալեպի մոտակայքում մարտերի ընթացքում իր բնակության վայրը լքել է մոտ 50.000 մարդ։ Բացի այդ, ընդհատվել են շրջափակված քաղաքի մատակարարման ուղիները,կոմիտեն փորձում է բուժօգնություն կազմակերպել և կարգավորել ջրի և մթերքների մատակարարումները Հալեպ, որտեղ, ՄԱԿ-ի տվյալներով, քաղաքակրթությունից կտրված է մինչև 300.000 մարդ:   Սիրիայում կոմիտեի պատվիրակության ղեկավար Մարիաննա Գասերի խոսքով` մարտերը մարդկանց համար անտանելի պայմաններ են ստեղծում: Օդի ջերմաստիճանը ծայրահեղ ցածր է: Մշտական բնակության վայրից քշված մարդիկ փորձում են գոյատևել առանց պաշտպանության, առանց ջրի և սննդի` ծայրահեղ վտագավոր պայմաններում: