Ձկնորսները խորտակվող նավից 60 օտարերկրացի զբոսաշրջիկի են փրկել

Thai PBS հեռուստաալիքը հայտնում է,որ  Թաիլանդի հարավում՝ Անդամանի ծովում   չորեքշաբթի երեկոյան, երբ մի խումբ զբոսաշրջիկներ, որոնց թվում՝ երեխաներ, մայրցամաք էին վերադառնում Սիմիլանի կղզիներ կատարած այցելությունից հետո ,խորտակված մոտորանավակի ավելի քան 60 օտարերկրյա զբոսաշրջիկներին հաջողվել է փրկել։ Նավը մեծ արագության տակ բախվել էր ծովում հայտնված գերանին, ծակվել եւ սկսել սուզվել։ Խեղդվողներին օգնության էին եկել ձկնորսները եւ նավ վերցրել ուղեւորներին։ Միջադեպից տուժածներ չկան, փոխանցում է ՏԱՍՍ-ը։ Ողբերգությունից հաջողվել է խուսափել կապիտանի շնորհիվ, ով անհրաժեշտ միջոցներ էր ձեռնարկել եւ բոլոր ուղեւորներին փրկարար բաճկոններ տվել։