Սահակաշվիլին Ավակովի վարքն անընդունելի եւ վայրենաբարո է որակել

Օդեսայի նահանգապետ Միխայիլ Սահակաշվիլին Facebook-ի իր էջում  անընդունելի է համարել  Ուկրաինայի ՆԳ նախարար Արսեն Ավակովի արձագանքը, ով պաշտպանել էր 17-ամյա երիտասարդի վրա կրակած ոստիկաններին։ «Բացարձակ անընդունելի է տղայի մահվան կապակցությամբ ՆԳ նախարարի արձագանքը։ Անբարոյական եւ վայրենաբարո է անգամ սփոփանքի խոսքեր չհնչեցնելը։ Լավ է գոնե ավելի ուշ Ուկրաինայի Ազգային ոստիկանության պետ Դեկանոիձեն ցավակցություն էր հայտնել եւ հեռացրել ոստիկաններին»,- ասել է Սահակաշվիլին։ Փետրվարի 10-ին Ուկրաինայի ՆԳ նախարար Արսեն Ավակովը արդարացրել էր Կիեւում BMW մակնիշի մեքենան հետապնդելիս ոստիկանների գործողությունները։