«Բոինգ-777»-ը վթարային վայրէջք է կատարել Դոմինիկյան Հանրապետությունում

Interfax-ը՝ հղում կատարելով քաջատեղյակ աղբյուրներին հայտնում է ,որ  Ռուսական «Բոինգ-777» ինքնաթիռը, որը Դոմինիկյան Հանրապետության Պունտա-Կանա քաղաքից ուղևորվում էր Մոսկվա, շարժիչներից մեկի հետ կապված անսարքության պատճառով վերադարձել է մեկնարկային օդանավակայան՝ կատարելով վթարային վայրէջք տեխնիկական անսարքության պատճառով: Թռիչքից որոշ ժամանակ անց օդանավի հրամանատարը հայտնել է ինքնաթիռի անսարքության մասին ու արտակարգ վայրէջքի թույլտվություն է խնդրել Պունտա-Կանայի օդանավակայանից: «Բոինգ-777»-ում գտնվել է ավելի քան 200 ուղևոր: Վայրէջքի ժամանակ վառելիքով լի ինքնաթիռի մեծ զանգվածի պատճառով շասսիի անիվները ծուխ են արձակել: Դեպքի հետևանքով ոչ ոք չի տուժել: