Իտալիայում զանգվածային գործադուլ է

ТАСС-ը փոխանցում է ,որ  մարտի 8-ին նշվող կանանց միջազգային օրն Իտալիայում համարվում է ոչ թե գարնանային տոն, այլ՝ կանանց իրավունքների համար պայքարի օր: Հռոմում խտրականության ու բռնության ցանկացած ձևի դեմ մեծ հանրավավաք է տեղի ունենում,  երթի պատճառով քաղաքի կենտրոնում փակվել են մի շարք կարևոր երթուղիներ: Հռոմի բնակիչների հատկապես մեծ անհարմարություններ կարող են պատճառել այսօր հասարակական տրանսպորտի ոլորտում աշխատակիցների 24-ժամյա գործադուլը: Մարտի 8-ին չի աշխատում մետրոն, հնարավոր են ցամաքային տրանսպորտի խափանումներ, ինչպես նաև մերձքաղաքային գնացքների չեղարկում: Բացի այդ, գործադուլի մասին է հայտարարվել նաև մի քանի դպրոցներում ու բժշկական հաստատություններում. Արհմիությունների ներկայացուցիչներն այս օրն անվանել են «համերաշխության օր»: