Քննարկել են անվտանգությունը Սիրիայում և Իրաքում

РИА Новости-ն՝ հղում անելով ՌԴ ՊՆ-ին հայտնում է,որ  Ռուսաստանի, Թուրքիայի և ԱՄՆ-ի գլխավոր շտաբերի ղեկավարները երեքշաբթի Անթալիայում եռակողմ հանդիպման ընթացքում քննարկել են տարածաշրջանային անվտանգությունը Սիրիայում և Իրաքում: «2017 թվականի մարտի 7-ին Անթալիա քաղաքում կայացել է եռակողմ հանդիպում, որին Թուրքիայի ԶՈւ Գլխավոր շտաբի պետ, բանակի գեներալ Հ.Աքարի հրավերով մասնակցել են ՌԴ ԶՈւ գլխավոր շտաբի պետ, բանակի գեներալ Վ. Գերասիմովը, ինչպես նաև ԱՄՆ ԶՈւ շտաբերի պետերի կոմիտեի նախագահ, գեներալ Ջ. Դանֆորդը։ Հանդիպման ընթացքում տեղի է ունեցել կարծիքների փոխանակում Սիրիայում և Իրաքում տարածաշրջանային անվտանգության հարցերով:Քննարկվել է Սիրիայում ահաբեկչության դեմ պայքարի ընթացիկ վիճակը՝ ապագայում բոլոր ահաբեկչական կազմակերպություններին հակազդելու արդյունավետության բարձրացման համատեքստում », - ասվում է հաղորդագրությունում։