ՌԴ-ն ու Ադրբեջանը կմեծացնեն ապրանքաշրջանառությունը
«ՌԻԱ Նովոստի»–ն հաղորդում է ,որ Ադրբեջանի ԱԳ նախարար Էլմար Մամեդյարովը՝ իր ռուս գործընկեր Սերգեյ Լավրովի հետ բանակցությունների բացման ժամանակ հայտարարել է.«Անհրաժեշտ է մեծացնել Ադրբեջանի եւ Ռուսաստանի միջեւ ապրանքաշրջանառությունը։ Ես կիսում եմ ձեր գնահատականները՝ Ադրբեջանի եւ ՌԴ–ի միջեւ բարեկամության եւ ռազմավարական գործընկերության հարաբերությունների զարգացման վերաբերյալ։ Իրականում մենք լավ ուղի ենք անցել, մեր երկրների միջեւ աճում է ապրանքաշրջանառությունը։ Չնայած, երեւի, պետք է խոստովանել, որ ավելի շատ ջանքեր է պետք գործադրել, որպեսզի ապրանքաշրջանառությունը մի քանի անգամ մեծանա»: « 25 տարի՝ Ադրբեջանի եւ Ռուսասանի միջեւ դիվանագիտական հարաբերությունների հաստատումից ի վեր, երկու երկրների փոխհարաբերությունները լուրջ ցնցումների չեն ենթարկվել։Ադրբեջանում սիրում եւ հարգում են ռուսերենը։ Դպրոցների քանակը, որտեղ կրթությունը ռուսաց լեզվով է, այնքան է, որքան Խորհրդային Միության ժամանակ։ Բացի այդ, Ռուսաստանի բարձրագույն ուսումնական հաստատությունները մեծ հաճույքով իրենց մասնաճյուղերն են բացում Բաքվում։ Ես կարծում եմ՝ դա շատ լավ նախանշան է այն բանի, որ մենք ճիշտ ուղղությամբ ենք շարժվում», — հավելել է նա։
Հետևեք մեզ Viber-ում
