Ովքե՞ր են «Ծառուկյան» դաշինքի կանայք

Ներկայացնում ենք «Ծառուկյան» դաշինքի համամասնական ցուցակում ընդգրկված անձանց․ Ցուցակի 3-րդ համար՝ Նաիրա Զոհրաբյան-ԱԺ պատգամավոր, ԲՀԿ խմբակցության ղեկավար, մասնագիտությամբ լրագրող եւ թատերագետ է։ 2015 թվականի փետրվարյան հայտնի դեպքերից հետո, երբ Գագիկ Ծառուկյանը հեռացավ քաղաքականությունից, Զոհրաբյանն ընտրվեց կուսակցության նախագահ։ Չնայած նրա պաշտոնավարման ժամանակ մի շարք գործարար պատգամավորներ հայտարարեցին կուսակցությունից ու խմբակցությունից դուրս գալու մասին, սակայն Զոհրաբյանը կարողացավ կուսակցությունը ղեկավարել՝ մինչ Ծառուկյանի վերադարձը։ 8-րդ Իվետա Տոնոյան-Գագիկ Ծառուկյանի մամուլի խոսնակն է, մասնագիտությամբ լրագրող, այժմ Կենտրոն հեռուստաընկերության լրատվական բաժնի ղեկավարը։ 12-րդ Լուիզա Սարգսյան- ԲՀԿ անդամ, ՀԱՊՀ ռուսաց լեզվի ամբիոնի ասիստենտ։ 16-րդ Կարինե Պողոսյան-ԱԺ պատգամավոր, նախկին վարչապետ Հովիկ Աբրահամյանի զարմուհին է։ Հովիկ Աբրահամյանի՝ ՀՀԿ-ից դուրս գալուց հետո ինքը եւս դուրս եկավ ՀՀԿ-ից, այժմ անկուսակցական է։ 20-րդ Մարինա Մարգարյան-ԲՀԿ անդամ, Մխիթար Հերացու անվան ԵՊԲՀ ԹԸՍ ամբիոնի պրոֆեսոր։ 24-րդ Շաքե Իսայան-ԲՀԿ անդամ, Մխիթար Հերացու անվան ԵՊԲՀ ԹԸՍ ամբիոնի պրոֆեսոր։ 28-րդԱյծեմնիկ Օհանյան-ԲՀԿ անդամ, 2016 թվականի Վանաձորի ՏԻՄ ընտրություններում ԲՀԿ-ի քաղաքապետի թեկնածու, մասնագիտությամբ բժիշկ է, «Ա․ Օհանյան» ախտորոշիչ կենտրոնի տնօրեն։ 32-րդ Աննա Մարգարյան-ԲՀԿ անդամ, Գառնիի թիվ մեկ հիմնական դպրոց ՊՈԱԿ-ի տնօրեն։ 36-րդ Նորա Առուստամյան-ԲՀԿ անդամ, ԱԺ պատգամավոր Գագիկ Ծառուկյանի օգնականն է։ 40-րդ Լարիսա Մադոյան- ԲՀԿ անդամ, «Աբովյանի ծննդատուն» ՊՓԲԸ տնօրեն։ 44-րդ Գայանե Գրիգորյան- ԲՀԿ անդամ Չարենցավանի «Ռեսուրս կենտրոն» ԲՀԿ նախագահ։ 48-րդ Մարինե Հարությունյան- ԲՀԿ անդամ «Երևանի Արարատ ԿԳՕ կոմբինատի» վերստուգող տնօրեն։ Սեդա Ղուկասյան