Հրապարակվել է նոր տեսանյութ. ադրբեջանական հրոսակախումբն ուղղակի վախեցած հետ է փախչում իր դիրքերը (տեսանյութ)

Ադրբեջանցիներն ընդամենը 100-150 մետր անցնելով, մեր տղաների կողմից ճնշվել են և հետ շպրտվել իրենց դիրքերը:

Արշակ Զաքարյանն իր ֆեյսբուքյան էջում հրապարակել է այս և այլ մանրամասների մասին տեղեկացնող նոր տեսանյութ, որը Մարտու շրջանում ադրբեջանցիների հարձակումը պատկերող, արդեն իսկ հրապարակված տեսանյութից անհամեմատ պարզ է: Նոր տեսանյութն անհերքելիորեն փաստում է ս. թ. փետրվարի 25-ի գիշերն Ակնայի շրջանում Արցախի նկատմամբ ադրբեջանական զինուժի գործողությունների նախահարձակ բնույթը: Մնում է, որ ՀՀ արտաքին գործերի նախարար Էդվարդ Նալբանդյանը տվյալ տեսանյութը տանի, ԵԱՀԿ Մինսկի խմբի համանախագահների, ինչպես նաև եվրոպական համապատասխան կառույցների աչքը կոխի:

Հիշյալ տեսանյութից ակնհայտ է նաև, որ Արցախի Պաշտպանության բանակի զինծառայողները, շնորհիվ ջերմադիտակների, թշնամու հետախուզական-դիվերսիոն խմբի անդամներին հայտնաբերել, հավաստանշել և հետևել են ժամանակին, մինչև նրանց կողմից հակաականային «Տրոպա» պայթուցիչի կիրառումը և հարձակմանն անցնելը: Երանի թե այդ ջերմադիտակներից ապրիլյան պատերազմի օրերին ավելի շատ ունենայինք…