«Լավատեսորեն չեմ տրամադրված ԼՂ բանակցությունների նկատմամբ». Մամեդյարով

Ինչպես հայտնում է ադրբեջանական ԱՊԱ գործակալությունը,  Ադրբեջանի ԱԳՆ ղեկավար Էլմար Մամեդյարովը հայտարարել է,որ   լավատեսորեն չի  վերաբերվում Լեռնային Ղարաբաղի բանակցություններին։ Հայաստանի ԱԳՆ ղեկավարի հայտարարությունը թույլ չի տալիս ինչ-որ բան լավատեսորեն քննարկել։ «Բոլոր միջազգային կազմակերպությունները իրենց որոշումներում ու բանաձևերում աջակցում են Ադրբեջանի տարածքային ամբողջականությանը:Հաջորդ ամիս Մոսկվա կատարելիք իմ այցի ընթացքում պատրաստվում եմ այդ հարցը քննարկել ինչպես ռուսական կողմի հետ, այնպես էլ ԵԱՀԿ Մինսկի խմբի համանախագահների։ Մենք կքննարկենք կայանալիք քայլերը, թե ինչ է անհրաժեշտ ստատուս-քվոն փոխելու համար։Բոլորը գիտեն, թե ինչպես պետք է լուծվի հակամարտությունը, թե ինչ պլան է դրված բանակցային սեղանի վրա, և որ հարցը չի կարելի լուծել մեկ օրում։ Առաջին հերթին զորքերը պետք է վերադառնան զորանոցներ, որպեսզի ապահովվի խաղաղությունը։Այդ հակամարտությունը մեծ սպառնալիք է ներկայացնում տարածաշրջանի համար»,- ասել է Մամեդյարովը։