«Թվերը խոսում են այն մասին, թե ինչ է առաջարկվել և ինչ են մարդիկ ուզում». Յարոմիր Շտետինա

Եվրախորհրդարանի պատգամավոր Յարոմիր Շտետինան այսօր լրագրողների հետ հանդիպմանը ասաց, որ Արցախի սահմանադրական հանրաքվեն լիովին համապատասխանում էր միջազգային ստանդարտներին:Ինչպես ասել է՝ Արցախի Հանրապետությունում անցկացված հանրաքվեում խնդրահարույց բան չկար և այն մեծապես համապատասխանում էր Արևմտյան Եվրոպայի չափանիշներին: «Շնորհավորում եմ Արցախի Հանրապետությանը հանրաքվեն նման կերպ կազմակերպելու համար: Այս հանրաքվեն նոր Սահմանադրության հետ համատեղ նոր ուղի կբացի Արցախի ինքնուրույնության համար»,- ասաց Շտետինան: Ըստ նրա՝ հանրաքվեն ոչ մի կերպ չի ազդելու Լեռնային Ղարաբաղի հակամարտության խաղաղ կարգավորման գործընթացի վրա: «Արցախի ժողովուրդը ասել է այո: Թվերը խոսում են այն մասին, թե ինչ է առաջարկվել և ինչ են մարդիկ ուզում»,- շեշտել է նա: