Կարող է սկսվել Ասադի ուժերի ու Ռուսաստանի հետ վտանգավոր առճակատում. Deutsche Wirtschafts Nachrichten

Deutsche Wirtschafts Nachrichten–ը գրում է, որ Սաուդյան Արաբիան հայտնել է, որ պատրաստ է ցամաքային զորքեր ուղարկել Սիրիա: Բայց իրականում սաուդիտները Սիրիա են ուղեւորվում հակառակ մտադրություններով: Հաշվի առնելով, որ նրանց գլխավոր նպատակը Ասադի ռեժիմի տապալումն է՝ նրանք ակտիվ պաշտպանելու են ապստամբ խմբավորւմներին, նույնիսկ եթե դրանք ահաբեկչական լինեն, գրում է պարբերականը, հայտնում է «ՌԻԱ Նովոստին»: Միացյալ նահանգները գիտի սաուդիտների իրական մտադրությունների մասին, բայց մեծ մտահոգություն չի դրսեւորում այդ կապակցությամբ: Սպիտակ տունը վերջերս ավելի շատ մտահոգված է  ռուսական գործողության հաջողություններով, ու հիմա ԱՄՆ –ն ըստ երեւույթին պատրաստ է բոլոր հնարավոր միջոցներն օգտագործել, որպեսզի Ռուսաստանին խանգարի գլխավոր դերակատարում ձեռք բերել տարածաշրջանում, նշում են հոդվածագիրները: Մոսկվան ու Դամասկոսը համատեղ ջանքերով զգալի առաջընթաց են գրանցել Հալեպում: Այդ քաղաքի ազատագրումը շրջադարձային կդառնա քաղաքացիական պատերազմում ու կորոշի այս տարածաշրջանում ուժերի հետագա բաշխումը: Դրա համար էլ արեւմտյան երկրները շտապում են դատապարտել Կրեմլի գործողությունները: Ահաբեկչական սպառնալիքի բարձր մակարդակը պահանջում է բոլոր երկրների միջեւ համագործակցության ուժեղացում: Բայց դրա փոխարեն արեւմտյան առաջնորդներն ավելի հաճախ են սկսել ՆԱՏՕ-ի ուժերը մոբիլիզացնելու ու Սաուդյան Արաբիային միանալու կոչեր անել: Ինչն էլ իր հերթին կարող է վերածվել Ասադի ուժերի ու Ռուսաստանի հետ վտանգավոր առճակատման, ամփոփում է հոդվածաագիրը: