Թրամփի քաղաքականությունից դժգոհ է 55%-ը

Ամերիկյան Gallup ինստիտուտի տվյալների համաձայն  ԱՄՆ նոր նախագահ Դոնալդ Թրամփի աշխատանքի նկատմամբ ամերիկացիների գոհունակության վարկանիշը նվազել է՝ 45 տոկոսից դառնալով 40 տոկոս։ Դա տեղի է ունեցել նրա երդմնակալությունից հետո 20 օրվա ընթացքում։ Gallup-ի ամենօրյա հեռախոսային հարցումներին մասնակցում է ԱՄՆ-ի չափահաս1500 բնակիչ։ Դժգոհության վարկանիշը աճել է՝ հասնելով 55 տոկոսի։ 2009 թվականին Օբամայի կառավարման առաջին օրը նրա աշխատանքը դրական էր գնահատել ամերիկացիների 68 տոկոսը, բացասական՝ միայն 12 տոկոսը, իսկ 20 օր անց հարաբերակցությունը կազմել էր արդեն 62 տոկոս ընդդեմ 25 տոկոսի։ Օբամայի հեռանալուց առաջ նրա վարկանիշը կազմել էր 59 տոկոս՝ ընդդեմ դժգոհողների 37 տոկոսի։