«Դաշինքներ կկազմենք, եթե...».Մհեր Շահգելդյան
«Հայկական վերածնունդ» կուսակցության անդամ, Ազգային ժողովի պատգամավոր Մհեր Շահգելդյանը կուսակցության համագումարի առաջ լրագրողներին ասաց,որ իրենց ընտրություններին կմասնակցեն միայնակ,քանի որ իրենք ունեն ծրագիր և գիտեն՝ որտեղ և ինչ անել.«Նորարարական և հետաքրքիր լուծումների առաջարկներ ունենք և մեր մոտեցումն այն է, որ ընտրություններին գնում ենք կուսակցությունով, սակայն համագործակցություն` հատկապես ընտրությունների արդար և թափանցիկ ընթացքի համար, միանշանակ կլինի: Կտեսնենք՝ ինչ տարբերակներով կլինի: Հայաստանի 25 տարիների փորձը ցույց է տվել, թե հետագայում ինչ են լինում նախընտրական դաշինքները:Կարևորում ենք քաղաքական ուժերի ինստիտուցիոնալ կայացման դերը, որովհետև նոր ստեղծվող դաշինքների մոտ, եթե չկան գաղափարախոսական մոտեցումներ և քաղաքական տեսլական, ապա սկսվում են ապակենտրոնացման գործընթացներ»: Հետընտրական դաշինքների մասին խոսելով,նշեց.«Պետք չէ «Աստծուց առաջ անցնել»: Քանի որ «Հայկական Վերածնունդ»-ն այսօր հզորանում է, ապա շատ հնարավոր է, որ ստեղծենք հետընտրական դաշինքներ: Մենք դաշինքներ կկազմենք այն դեպքում, եթե մենք լինենք որոշումներ կայացնող կամ ազդեցություն ունենանք դրանց ընդունման վրա: Իշխանությունը երբեք ինքնանպատակ չի եղել մեզ համար»:
Հետևեք մեզ Viber-ում
