Կպարտադրեն հայտնել սոցցանցերի գաղտնագրերը

ԱՄՆ դեսպանատները օտարերկրյա քաղաքացիներին կպարտադրեն ներկայացնել սոցցանցերում իրենց օգտահաշիվների գաղտնագրերը ՝ վիզա ստանալու համար։ Այս մասին հայտնել է ԱՄՆ ներքին անվտանգության նախարար Ջոն Քելլին: Sky News մեդիաընկերության հաղորդմամբ՝ սա արվում է ահաբեկիչներին կամ սպառնալիք հանդիսացող մարդկանց մուտքի արգելման համար: Նախարարի խոսքով՝ տվյալների համաքման համապատասխան գործառույթը, հնարավոր է, կարող են ստանձնել ամերիկյան դեսպանատներն այն երկրներում, որտեղ կտրվեն վիզաներ ու մուտքի թույլտվություններ։ Հիշեցնենք, որ հրամանագիրը, որը Թրամփը ստորագրել էր անցած շաբաթ, նպատակ ունի երկիր արգելել արմատական իսլամիստների մուտքը: Փաստաթուղթը կասեցնում էր փախստականների ընդունումը՝ Սիրիայից՝ անորոշ ժամանակով, մյուս երկրներից՝ 120 օրով: 90-օրյա արգելքի տակ էր հայտնվել նաև Իրանի, Իրաքի, Լիբիայի, Սոմալիի, Սուդանի, Եմենի քաղաքացիների մուտքը ԱՄՆ: