Դամասկոսում խմելու ջուրը հասանելի է բնակչության մեծ մասին

RIA Novosti-ն հայտնում է,որ ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը հայտնել է,որ  խմելու ջուրը հասանելի է դարձել Դամասկոսի բնակիչների մեծ մասի համար` ահաբեկիչների կողմից ավերված ջրատարի վերականգնման աշխատանքներից հետո: «Ջեբհաթ ան-Նուսրա» ահաբեկչական խմբավորման զինյալները դեկտեմբերին պայթեցրել էին Բարադա հովտի ջրատարը և գրավել այնտեղ գտնվող Այն-էլ-Ֆիջի խմելու ջրի աղբյուրը` Դամասկոսը սնող միակ բնական միջանցքը: Al-Mayadeen հեռուստաալիքը հունվարի 28-ին հայտնել էր, որ Սիրիայի կառավարական ուժերը բարձրացրել են պետական դրոշը Այն-էլ-Ֆիջիում խմելու ջրի աղբյուրների վրա` այն ահաբեկիչներից ազատագրելուց հետո: «Մի շարք վերականգնողական աշխատանքներից հետո Վադի-Բարադա հիմնական աղբյուրից Դամասկոսի ջրամատակարարումն այժմ վերականգնվել է բնակիչների 60%-ի համար»,-ասել է նա: