ԴԱԻՇ-ի «մայրաքաղաքի» վրա հարձակման պլանը մերժվել է

Washington Post-ը հայտնում է,որ  ԱՄՆ նախագահ Դոնալդ Թրամփի վարչակազմը մերժել է Սիրիայի Ռաքքա քաղաքի վրա վճռական հարձակման պլանը, որը նախապատրաստվել էր ԱՄՆ նախկին նախագահ Բարաք Օբամայի թիմի կողմից:Օբաման հունվարի 17-ին հանձնարարել էր Թրամփի շտաբին փոխանցել փաստաթուղթ, որտեղ մասնավորապես նախատեսվում էր քրդական խմբավորումներին սպառազինությունների մատակարարում և նախանշված էին Թուրքիայի իշխանությունների հետ բանակցությունների թեզիսներ, որոնք կարող էին կտրուկ արձագանքնել նման քայլին։ Թրամփի վարչակազմի համար Օբամայի մոտեցումը եղել է չափազանց աստիճանական ու ռիսկից զուրկ. «Նրանք ներկայացրել են տեղեկատվությունը, սակայն մենք մեծ բացեր ենք նկատել։ Դա վատ աշխատանք է»,- ասել է Թրամփի ներկայացուցիչը, որը ծանոթացել է փաստաթղթի հետ։ Նշենք,որ Ռաքքան համարվում է ԴԱԻՇ-ի ահաբեկիչների ոչ պաշտոնական «մայրաքաղաքը» Սիրիայում և Իրաքի Մոսուլ քաղաքից հետո ԴԱԻՇ-ի երկրորդ հենակետը։ 300 հազար բնակիչ ունեցող քաղաքը իսլամիստները գրավել էին 2013թ.։