Թուրքիան ճամբարներ է կառուցում

BBC-ի ռուսական ծառայության փոխանցմամբ՝ Թուրքիայում սկսել են սիրիացի փախստականների համար նոր ճամբարներ կառուցել։ Թուրքիայի իշխանությունները դրանցում կտեղավորեն Սիրիայից եկող հազարավոր փախստականներին, որոնց ալիքն ուժգնացել է վերջին շրջանում։ Նախորդ շաբաթ Հալեպի նահանգում Սիրիայի կառավարական զորքերի սկսած հարձակումից հետո մոտ 35.000 փախստական փորձել է ապաստան գտնել Թուրքիայում՝ Քիլիս նահանգում։ Սակայն Թուրքիան սահմանը փակել էր նրանց առջև՝ չնայած փախստականներին ընդունելու ԵՄ-ի կոչերին։