Սաուդյան Արաբիան միլիարդավոր դոլարների վնաս կկրի.Forbes

Forbes-ը  գրում է,որ   Սաուդյան Արաբիայի և Իրանի միջև հարաբերությունների խզումը Էր-Ռիադին մեծ վնաս կհասցնի, քանի որ իրանցի ուխտավորները կհրաժարվեն մեկնել Մեքքա: Ամեն տարի Սաուդյան Արաբիա ուխտագնացության՝ հաջի են մեկնում մոտ 100 հազար իրանցիներ, ևս 500 հազար իրանցիներ փոքր ուխտագնացության են գնում: Իրանցիների մասնաբաժինը Սաուդյան Արաբիա մեկնող ուխտավորների թվի 5 տոկոսն է կազմում: 2014 թվականի տվյալներով՝ ուխտագնացություններից Էր-Ռիադը 18.6 մլրդ դոլարի եկամուտ է ստացել, ինչը կարելի է համեմատել նավթից ստացվող եկամուտի հետ: Սաուդյան տնտեսագետների տվյալներով՝ յուրաքանչյուր զբոսաշրջիկ երկրում գտնվելու ընթացքում մոտ 5000 դոլար է ծախսում: Այդպիսով՝ Սաուդյան Արաբիա մեկնելուց իրանցիների հրաժարվելը Էր-Ռիադի համար կարժենա 3 մլրդ դոլար: