Բացահայտ քցոցի է․իշխանությունները որպես պլան Բ դիտարկում են տեղամասերում ձայնագողությունը

Ապրիլի 2-ին սպասվող խորհրդարանական ընտրությունների ժամանակ կարծես թե ձախողվել է ընտրատեղամասերում տեսանկարահանող սարքերի տեղադրման եւ քվեարկության ընթացքը ուղիղ հեռարձակելու գործընթացը։  «Իրազեկ քաղաքացիների միավորում» հկ նախագահ Դանիել Իոաննիսյանը, որը ժամանակին մասնակցում էր 4+4+4 ձեւաչափով քննարկումներին, Hayeli.am-ի հետ զրույցում ասաց, որ ամենեւին չի զղջում, որ ի վերջո համաձայնության չի հանգել այդ ձեւաչափի շրջանակներում։ «Մենք իրականում կանխազգում էինք, որ էս բանակցությունները ծուղակ են այդ պատճառով, չստորագրեցինք, որ մեզ  չքցեն, քցում են նրանց, ում հետ ստորագրել են, այսինքն ընդդիմությանը»,-ասաց նա։ Մեր հարցին՝ ԶԼՄ-ները չե՞ն կարող այլընտրանք լինել, Իոաննիսյանն ասաց․ «ԶԼՄ-ները չեն կարող տեսանկարահանող սարքերին այլընտրանք լինել, որովհետեւ  նրանք նախատեսված են ոչ թե լրատվություն հավաքելու, այլ կանխարգելելու տեղամասերում  մի շարք հանցագործություններ օրինակ ձայնագողությունը»։ Մեր զրուցակցի խոսքով՝ իշխանությունները միտումնավոր փորձում են տապալել տեսանկարահանող սարքերի տեղադրումը․ «Կան առաջարկներ, որոնք ձեռք են տալիս քաղհասարակության   եւ ընդդիմությանը, այնուհանդերձ իշխանությունները ուզում են ջանք գործադրեն,  որ դրանք տապալվեն։ Բացահայտ քցոծի է, իշխանությունները որպես պլան Բ դիտարկում եմ  տեղամասերում ձայնագողությունը»։ Սեդա Ղուկասյան