Հարկադիր վայրէջք`Բրյուսելում
«Բրյուսելյան ավիաուղիներ» ընկերության օդանավն այսօր՝ փետրվարի 7-ի առավոտյան հարկադիր վայրէջք է կատարել Բրյուսելի միջազգային օդանավակայանում՝ շարժիչում հայտնված թռչունի պատճառով։ Օդանավում եղել է 140 ուղեւոր։ «Թռիչքից մի քանի րոպե անց անձնակազմից տեղեկություն է ստացվել, որ շարժիչի մեջ վիբրացիա է նկատվել։ Որոշում է կայացվել վերադառնալ, եւ օդանավը բարեհաջող վայրէջք է կատարել օդանավակայանում»,-հաղորդում է «ՌԻԱ նովոստին»՝ վկայակոչելով Contact ռադիոկայանը։ Ստուգումից հետո պարզվել է, որ օդանավի շարժիչի մեջ թռչուն է հայտնվել, որն էլ վիբրացիայի պատճառ է դարձել։ Բրյուսել-Մարամեշ չվերթի ուղեւորները մոտակա ժամերին կթռչեն նախատեսված ուղղությամբ մեկ այլ օդանավով։
Հետևեք մեզ Viber-ում
