ԼՂ հակամարտությունը լուծելով Թրամփը կարող է Նոբելյան մրցանակ ստանալ.WP

The Washington Times պարբերականում ամերիկյան Caspian Group Holdings ընկերության գործադիր տնօրեն Ռոբ Սոբհանին հոդված է հրապարակել,որում կարծիք է հայտնել,որ  ԱՄՆ նախագահ Դոնալդ Թրամփը պատմական հնարավորություն ունի Նոբելյան մրցանակ ստանալ՝ օգտագործելով իր վարպետությունն աշխարհի ամենադժվար լուծվող կոնֆլիկտներից մեկը՝ Լեռնային Ղարաբաղի հակամարտությունը լուծելու համար: «Թրամփի և նրա թիմի համար Լեռնային Ղարաբաղի հակամարտության կարգավորումը հստակ ազդանշան է առ այն՝ արդյոք ՌԴ նախագահ Վլադիմիր Պուտինը համաշխարհային հարթակում կոնֆլիկտների լուծման համար Միացյալ Նահանգների գործընկերը կլինի:Այդ հակամարտության կարգավորման բանալին գտնվում է ՌԴ նախագահի ձեռքում:Դոնալդ Թրամփի առջև խնդիր է դրված` համոզել Վլադիմիր Պուտինին` հակամարտության խաղաղ կարգավորման պլան ներկայացնել»,- գրել է հոդվածագիրը: Նա նշել  է, որ վերջերս Բաքու կատարած այցի ժամանակ Իսրայելի վարչապետ Բինյամին Նեթանյահուն Ադրբեջանը աշխարհում այն քիչ մուսուլմանական երկրներից անվանեց, որն «արժանի է Վաշինգտոնի անմիջական և ոչ երկիմաստ ուշադրությանը»: