Նոր մանրամասներ՝ «Պանորամա» հյուրանոցի տնօրենի մահվան դեպքից
Հայտնի է դարձել «Պանորամա» հյուրանոցի տնօրենի մահվան որոշ հանգամանքներ։ Երևանի Նորք-Մարաշ վարչական շրջանում գործող «Պանորամա» հյուրանոցային համալիրի տնօրեն՝ 44-ամյան Տիգրան Կալմուխյանը մահացել է ինֆարկտից։ Այս մասին Dialogue.am-ի հետ զրույցում հայտնեցին հյուրանոցի աշխատակիցները՝ իրենց խոսքում նշելով, որ զարմացած են դեպքից, քանի որ տնօրենն առողջական խնդիրներից երրբևէ չի խոսել և չի բողոքել։ Նշենք, որ Տիգրան Կալմուխյանն ամուսնացած չէր։ Աշխատակիցների խոսքով՝ լավ հարաբերությունների մեջ է եղել աշխատակիցների և գործընկերների հետ։ Հիշեցնենք, այսօր առավոտյան՝ ժամը 8։30-ին, հայտնաբերվել էր «Պանորամա»-ի համալիրի աշխատասենյակներից մեկում՝ առանց բռնության հետքերի։ Նշանակվել է դատաբժշկական փորձաքննություն, կատարվում է քննություն:
Հետևեք մեզ Viber-ում
