Կլոպի վիրահատությունը հաջող է անցել
Անգլիական «Լիվերպուլի» գլխավոր մարզիչ Յուրգեն Կլոպը հաջողությամբ է անցկացրել կույր աղիքի հեռացման վիրահատությունը,- տեղեկացնում է Goal.com-ը: Գերմանացի մասնագետն իրեն վատ է զգացել փետրվարի 5-ին երեկոյան և ակումբային բժիշկի հետ զրուցելուց հետո տեղափոխվել է հիվանդանոց: Փետրվարի 6-ին տեղի ունեցած վիրահատությունը հաջող է անցել: Առողջական խնդիրների պատճառով Կլոպը չի կարողացել ներկա լինել Պրեմիեր լիգայի 25-րդ տուրի՝ «Սանդերլենդի» դեմ հանդիպման (2:2):
