Թուրքիայից մոտ երկու հազար ակտիվիստ կին է հավաքվել «քրդական մայրաքաղաք» Դիարբեքիրում

  Ամբողջ Թուրքիայից մոտ երկու հազար ակտիվիստ կին է հավաքվել «քրդական մայրաքաղաք» Դիարբեքիրի կենտրոնում` բանակի եւ քուրդ ապստամբների բախման դեմ երթի, տեղեկացնում է «ՌԻԱ Նովոստին»: Ինչպես պատմել են ակտիվիստ կանայք, իրենք անցյալ գիշեր ավտոբուսներով եկել են Ստամբուլից, Անկարայից եւ թուրքական այլ քաղաքներից: Այժմ նրանք վանկարկում են «Խաղաղություն: Բանակցություններ» եւ «Կեցցե Սուրի դիմադրությունը», Դիարբեքիրի կենտրոնով երթ են կազմակերպել: Մինչդեռ հանրահավաքից բառացիորեն երկու կիլոմետր հեռավորության վրա այդ ընթացքում թուրքական բանակի եւ քուրդ ակտիվիստների միջեւ բախում է տեղի ունենում: Համազարկերի ձայները լավ լսելի են երթի մասնակիցներին: Դիարբեքիր քաղաքի կենտրոնում է տեղակայված պատմական Սուր շրջանը, որն այժմ շրջափակված է թուրքական բանակի եւ ոստիկանության կողմից: Այնտեղ մի քանի ճարտարապետական հուշարձան կա, մասնավորապես` այն շրջապատված է ամրոցի մի քանի կիլոմետրանոց պատով, որի որոշ հատվածներ թվագրվում են մթա 4-րդ դարով: Ամրոցի ներսում հին եկեղեցիներ եւ մզկիթներ կան, որոնք մոտ 1500 տարեկան են: Սակայն վերջին ամիսներին Սուր շրջանը վերածվել է քրդական ՔԲԿ-ի գրոհայինների եւ թուրքական բանակի եւ ոստիկանության բախման վայրի: Դիարբեքիրի քաղաքապետ Ֆիրաթ Անլին «ՌԻԱ Նովոստիին» տեղեկացրել է, որ Սուրի 70 հազար բնակչից 50 հազարը լքել են իրենց տները: