Չինարիի ուղղությամբ հակառակորդի կրակոցները ուղղված են քաղաքացիական բնակչությանը.ՄԻՊ

«Դեկտեմբերի 29-ին ադրբեջանական կողմից Չինարիի ուղղությամբ հարձակումը տեղի է ունեցել պայմաններում, երբ հայ զինծառայողների կողմից չի եղել որևէ վտանգ կամ վնաս հասցնելու միտում: ՄԻՊ ներկայացուցիչը եղել է ոչ միայն գյուղի, այլև՝ անմիջականորեն միջադեպի տարածքում։Մեր այցելությունները շարունակվել են նաև տոնական օրերին, երբ ևս գյուղի ուղղությամբ խախտվել է հրադադարը»,- դեկտեմբերի 29-ի դեպքերին անդրադառնոլով ,լրագրողների հետ հանդիպմանն ասաց Մարդու իրավունքների պաշտպան Արման Թաթոյանը։ «Գյուղը գնդակոծվել է նաև հունվարի 3-ին՝ ժամը 18։00-ից 19։00-ն և հունվարի 8-ին։ Երկու այս միջադեպերին էլ եղել են թիրախային կրակոցներ քաղաքացիական բնակչության վրա։ Հունվարի 3-ին հրադադարը խախտվել է գյուղի դպրոցի և մանկապարտեզի ուղղությամբ»,- ասաց Արման Թաթոյանն՝ ավելացնելով. «Հատուկ ուզում եմ շեշտել, որ գյուղի մոտակայքում չկա զորամաս, որևէ ռազմական օբյեկտ։ Այստեղ բացառապես քաղաքացիական բնակչություն է, ինչը շատ ավելի ակնհայտ է դարձնում, որ վնաս են ցանկացել հասցնել խաղաղ բնակչությանը»։ Փաստահավաք խմբի՝ գյուղում արված լուսանկարներում երևում են կրակահերթերի հետքերը։