Միաժամանակ պաշտպանում են ԵՄ-ին եւ Ռուսաստանին

ՌԻԱ Նովոստին հաղորդել է,որ  Վրաստանի քաղաքացիների կեսից ավելին կարծում է, որ երկիրը պետք Է ունենա արեւմտամետ արտաքին քաղաքականություն, բայց միեւնույն ժամանակ լավ հարաբերությունները պահպանի ՌԴ-ի հետ:Սա են փաստում ԱՄՆ-ի Ազգային ժողովրդավարական ինստիտուտի (NDI) կողմից անցկացված հարցումների տվյալները: Մասնակիցների 54 տոկոսը հանդես է եկել արտաքին քաղաքականության արեւմտամետ ուղեգծի օգտին՝ ՌԴ-ի հետ լավ հարաբերությունների պահպանմամբ: 2016 թվականի հուլիսին այդ հարցին դրականորեն Էր պատասխանել հարցման մասնակիցների 48 տոկոսը:  12 տոկոսը պաշտպանել էր բացառապես արեւմտամետ քաղաքականությունը, իսկ 9 տոկոսը՝ բացառապես ռուսամետ:  53 տոկոսի կարծիքով՝ Վրաստանին օգուտ կբերի ԵՄ-ին եւ ՆԱՏՕ-ին անդամակցությունը, դրա հետ մեկտեղ 31 տոկոսն այն կարծիքն է հայտնել, որ երկիրը կշահի Ռուսաստանի հետ հարաբերությունների կարգավորումից: 2016- ի նոյեմբերի 4-ից մինչեւ դեկտեմբերի 4-ը անցկացված հարցմանը մասնակցել է ավելի քան 3 հազար մարդ: