Մեր դատաիրավական համակարգը հասել է աբսուրդի և ցանկացած մարդու կարող են դատել. Գևորգ Սաֆարյան

Այսօր Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում Գևորգ Սաֆարյանը հանդես եկավ ճառով և նշեց, որ մեր դատաիրավական համակարգը հասել է աբսուրդի և ցանկացած մարդու կարող են դատել։ Ըստ նրա՝  2015-ի դեկտեմբերի 31-ին իրադարձություններն այնպես չեն եղել, ինչպես ներկայացնում է դատախազությունը։ Միջոցառման մասնակիցները ցանկացել են Չեբուրաշկայի գլխարկով մտնել Ազատության հրապարակ, ինչը նրանց չի թույլատրվել, այնուհետև Ձմեռ պապիկը փորձել է եղևնին ձեռքին մտնել Ազատության հրապարակ: Այնուհետև ասաց, որ ինքը եթե հարվածած լիներ Գեղամ Խաչատրյանի աչքին, ապա իր ձեռքը ևս պետք է վնասված լիներ։ Գևորգ Սաֆարյանի գործով վճիռը կհրապարակվի այսօր, 17։30-ին։