Թրամփի անվտանգության ապահովումն օրական մեկ միլիոն դոլար է արժենում

Ըստ Bloomberg գործակալության  օնլայն հաշվիչի  Նյու Յորքում ԱՄՆ նորընտիր նախագահ Դոնալդ Թրամփի անվտանգությունը ահռելի ծախսեր է պահանջում: Մանհեթենում գտնվող Trump Tower աշտարակի մոտ շուրջօրյա ռեժիմով պարեկություն են կատարում ոստիկանության ուժեղացված պարեկները, դեպի շենք տանող մուտքերը փակված են մետաղական արգելապատնեշով,որոնք  բավական թանկ են արժենում քաղաքի գանձարանի համար։ Քաղաքապետարանի գնահատմամբ՝ Թրամփը մինչև ԱՄՆ նախագահի պաշտոնին անցնելը իր անվտանգության վրա ծախսելու է 35 միլիոն դոլար։ Թրամփի անվտանգության ապահովումը գնահատվում է օրական մեկ միլիոն դոլար։ Այդպիսով՝ պետության ղեկավարի ընտրությունից սկսած մինչև նրա երդմնակալությունը, ծախսերը կազմելու են մոտ 70 միլիոն դոլար։ Երդմնակալության արարողությունից հետո Թրամփի անվտանգությունը կախված է լինելու նրանից, թե որտեղ կգտնվի նա՝ Վաշինգտոնում կամ Նյու Յորքում։ Ամեն դեպքում հարկադրված կլինեն մշտապես ապահովել Trump Tower-ի անվտանգությունը։